A kupela. A capella musika eta humorea

Demode Quartet taldeko lau pertsonaia bitxiek, musika ulertzeko duten modu dibertigarri eta bereziarekin, garai guztietako abesti handien a cappella errepasoa egingo dute. Beren bertsioak izango dira, taldearen ildo edo estiloan aurkeztuak, abesti horietako bakoitzaren atzean dagoen historiaren inguruko teoria eta anekdota dibertigarri edo harrigarriekin.

Ikuskizun alaia, arina, soinu-kalitatez betea, orain arte erabili ez dituzten ahots-ezusteko eta -esperimentu batzuekin. Hartara, ikuskizunak irauten dituen 50 minutuetako bakoitza gozatzeko bidea emango dute.

Abeslariak: Iker Huitzi, Joli Pascualena, Santi Romano eta Carlos Nguema.